Глыбокае

У Беларусі забараняюць прадаваць кнігу Нямцова

  Гэтымі днямі з некаторых кнігарань і шапікаў краіны канфіскавалі кнігу вядомага расейскага палітыка Барыса Нямцова «Споведзь бунтара». У гэтай кнізе вельмі шмат месца прысвечанае беларускаму лідэру, прычым характарыстыкі яго дзеянняў даюцца ў вельмі рэзкіх тонах.
«…Я лічыў, што барацьба з Лукашэнкам, гэта неабходная ўмова абароны Расеі ад лукашызацыі. Акрамя таго, я заўсёды разумеў, што Лукашэнка ставіцца да Расеі як да сыравіннага прыдатка. 10 гадоў тлумачыў уладам, што ад Лукашэнкі нічога добрага чакаць не трэба, што ён нас падмане, і што Расея марна траціць мільярды, якія нібыта няма на што марнаваць ва ўласнай краіне. Дзіўна, але да 10-га года балбатні пра саюзную дамову, брацтва і гэтак далей, да іх, нарэшце, дайшло гэта».
«Споведзь бунтара» змагла пратрымацца ў адкрытым продажы ў Беларусі ўсяго каля двух тыдняў, паведаміў «Белорусский партизан».