Глыбокае

У канцы красавіка-пачатку траўня плануецца правесці першы ў вобласці аўкцыён па продажы права арэнды зямельных участкаў пад размяшчэнне турыстычных аб"ектаў. На аўкцыён будуць выстаўлены участкі ў Глыбоцкім і Мёрскім раёнах, а таксама ў райцэнтры Лёзна.

Участак плошчай амаль паўтара гектара ў Лёзна прызначаны для будаўніцтва гатэля класу "тры зоркі". У вёсцы Масеўцы Мёрскага раёну на плошчы 0,23 га патэнцыйны арандатар павінны ўзвесці кавярню на 20 месцаў. Аб"екты грамадскага харчавання плануецца пабудуваць і ў Глыбоцкім раёне: у вёсцы Івесь плануецца пабудуваць кавярню і рэстарацыю на 30 месцаў, а ў вёсцы Мосар – невялікую краму з кафетэрыем.