Глыбокае

Ці пабудуюць у Наваполацку завод па перапрацоўцы смецця?

Паводле Рэспубліканскай праграмы перапрапрацоўкі камунальных адкідаў і згодна з пастановай Свавета міністраў, наваполацкі  біямехзавод бытавых рэсурсаў, або, кажучы прасцей, смеццеперапрацоўчы завод мусіў пачаць працу ўжо сёлета.
Прадпрыемства будавалі чатыры гады, але  зараз будаўніцтва прыпынена: няма фінансавання. Тым часам на недабудаваны завод, які, паводле папярэдніх плянаў, мусіў бы ўжо ўвайсці ў завяршальную стадыю будаўніцтва, пачало паступаць абсталяванне. У свой час яго замовілі нямецкай фірме  «Леманн», і цяпер за яго трэба плаціць, а таксама разлічыцца з мытняй за ўвоз высокакаштоўнай імпартнай тэхнікі.
Паводле  «Народнай газеты», раней  будаўніцтва  завода  фінансавалася з экалагічнага фонду,  куды адлічваюць адмысловы падатак мясцовыя прадпрыемствы. Дарэчы, за год Наваполацк сплочвае ў гэты фонд 32 мільярды рублёў, аднак  гарадская адміністрацыя пазбаўленая права распараджацца  гэтымі сродкамі самастойна.  Таму ў "даўгабуда" практычна няма гаспадароў, хаця ў яго ўкладзена 7 мільярдаў рублёў "грамадскіх" грошай. Каб завяршыць будаўніцтва,  трэба недзе знайсці яшчэ  16,5 мільярдаў.