Глыбокае

У Падсвіллі адновяць выпуск вінаградных він

 "Падсвільскі завод харчовых прадуктаў" плануе ў траўні гэтага году  наладзіць вытворчасць чырвоных він "Лідзія" і "Ізабэлла"". У наступным годзе тут мяркуюць распачаць таксама разліў белых вінаградных він.
Вінаматэрыялы завод збіраецца  купляць у малдаўскіх пастаўшчыкоў. Дамовы на пастаўкі  заключаныя  пры пасярэдніцтве беларуска-малдаўскага СП "Малдбелвін".
Спецыялісты прадпрыемства распавядаюць, што пакуль на заводзе працуе толькі лінія разліву пладова-ягадных він  магутнасцю 1,5 тысяч бутэлек за гадзіну. Пасля мадэрнізацыі, запланаванай на чэрвень, прадпрыемства спадзяецца падвысіць аб"ём вытворчасці  – у першую чаргу за кошт новага віду прадукцыі – вінаграднага віна. З гэтай мэтай у Падсвіле будзе дастаўлена ітьальянскае абсталяванне, закупленае на ўласныя сродкі прадпрыемства. Кошт мадэрнізацыі разам з праектам – каля мільярда беларускіх рублёў, і завяршыць яе  мяркуюць  да восені.
Удасканалене лініі разліву він  дазволіць павялічыць вытворчыя магутнасці да 6 тысяч бутэлек за гадзіну. Гэта будзе рэкордная норма выпуску прадукцыі, якой ніколі дагэтуль не было на прадпрыемстве, заснаваным  яшчэ ў 1954 годзе.
Аднак  спецыялісты падкрэсліваюць, што  патэнцыйныя магутнасці прадпрыемства  -- гэта толькі перадумова для паспяховае працы, бо  фактычны аб"ём вытворчасці віна будзе залежаць ад пакупніцкага попыту.  У гэтым сэнсе работнікі аддзела  збыту маюць пэўную занепакоенасць: у адрозненне ад пладова-ягодных він больш якасныя, але й даражэйшыя вінаградныя віны ў рэгіёне вялікім попытам не карыстаюцца.